Lahuta e Malcis

Lahuta e Malcís (në gegërisht, gjuha origjinale dhe standarde e kohës; në shqipen standarde: e Malësisë) është poema epike kombëtare shqiptare, e plotësuar dhe e botuar nga frati dhe poeti shkodran Gjergj Fishta në vitin 1937. Ajo përbëhet nga 30 këngë dhe mbi 17 000 vargje. U botua nga Shtypshkronja Françeskane në Shkodër dhe ka rreth 512 faqe.
Lahuta e Malcís u frymëzua shumë nga vargjet gojore të Shqipërisë së Veriut të kompozuara nga cikli tradicional i këngëve epike dhe nga ciklet e vargjeve historike të shekullit të 18-të. Ajo përmban elemente të mitologjisë shqiptare. Në poemë lufta kundër Perandorisë Osmane u bë dytësore dhe si temë qendrore u zëvendësua me luftën kundër sllavëve (serbëve dhe malazezëve), të cilët ai i shihte si më të dëmshëm pas masakrave dhe dëbimeve të fundit të shqiptarëve nga ta. Vepra u ndalua në Jugosllavi dhe në Shqipërinë komuniste për shkak të retorikës antisllave. Vepra u cilësua si "shoviniste" dhe "antisllave" në Enciklopedinë e Madhe Sovjetike (1950), ndërsa Fishta quhej "spiun që bënte thirrje për luftë kundër sllavëve".